Myanmar Tatmadaw: Suu Kyi nih ‘AA misual hna hi an ci hmih cikcek uh’ a kan ti

Rakhine ralkap AA hi misual phu an si caah biatak tein phomh uh, an ci hmih cikcek ko uh tiah Aung San Suu Kyi nih a kan forh tiin Tatmadaw nawlngeitu nih an chim.

Myanmar President U Win Myint zong nih AA biatak tein thuat ding caah ralkap thazaang karhter ding le raltuknak helicopter zong hman chih ding ah nawl a kan pek fawn tiah Tatmadaw nih thawng an thanh fawn.

Tuthla thawk ah khan AA ralkap nih ramri hngakmi police sakhan an luh hnawh hna i police 13 an thah hna, cu hnu ah ralkap le AA kar ah biatak tein i kahnak a zual.

January 5 in January 16 kar ah AA le Tatmadaw kar i kahnak voi 8 a um, AA ralkap ruak 13 kan char khawh tiah Tatmadaw nih an chim.

Leave a Reply

Your email address will not be published. Required fields are marked *